కరోనా వ్యాప్తి నేపథ్యంలో సెలబ్రిటీలంతా తమ కార్యకలాపాలను రద్దు చేసుకుని స్వీయ నిర్బంధంలోకి వెళ్లిపోయారు. సామాజిక మాధ్యమాల వేదికగా ప్రజలకు అప్రమత్తంగా ఉండాలంటూ సూచనలు చేస్తున్నారు. తమకిష్టమైన వ్యాపకాలతో, కుటుంబంతో ఇంట్లోనే ఉంటూ బిజీగా గడుపుతున్నారు.
ఈ క్రమంలోనే స్వీయ నిర్బంధంలో ఉన్న విరాట్ కోహ్లీ-అనుష్క శర్మ తమకు దొరికిన కొద్దిపాటి సమయాన్ని వినియోగించుకుంటూ సరదాగా గడుపుతున్నారు. అయితే తాజాగా ఓ ఫన్నీ సెల్ఫీ దిగి సామాజిక మాధ్యమాల్లో పోస్ట్ చేశారు. ప్రస్తుతం ఈ ఫొటో నెట్టింట్లో వైరల్గా మారి అందరి చేత నవ్వులు పూయిస్తోంది.