సంక్రాంతికి 'నిశ్శబ్దం'గా వస్తున్న స్వీటీ

హీరోయిన్​ అనుష్కశెట్టి ప్రధాన పాత్ర పోషిస్తున్న 'నిశ్శబ్దం'ను సంక్రాంతికి విడుదల చేయాలని భావిస్తోంది చిత్రబృందం. టీజర్​ వచ్చే నెలలో ప్రేక్షకుల ముందుకు రానుంది.

స్వీటీ అనుష్క ప్రధాన పాత్రలో నటించిన సినిమా 'నిశ్శబ్దం'. షూటింగ్​ పూర్తి చేసుకుని నిర్మాణాంతర కార్యక్రమాలు జరుపుకుంటోంది. టీజర్​ను వచ్చే నెలలో విడుదల చేయాలని చిత్రబృందం భావిస్తోంది. సినిమాను సంక్రాంతి బరిలో నిలపాలనే ఆలోచనతో ఉన్నారు.

ఇందులో కళా ప్రేమికురాలి(ఆర్ట్​ లవర్)గా కనిపించనుంది అనుష్క. ఇతర పాత్రల్లో మాధవన్, హాలీవుడ్​ నటుడు మైఖేల్ మ్యాడిసన్, సుబ్బరాజు, అంజలి, షాలిని పాండే తదితరులు నటిస్తున్నారు. హేమంత్ మధుకర్ దర్శకత్వం వహిస్తున్నాడు. రచయిత కోన వెంకట్​ నిర్మాతగా వ్యవహరిస్తున్నాడు. ఇప్పటికే విడుదలైన ఫస్ట్​లుక్ ఆకట్టుకుంటోంది.

నిశ్శబ్దం సినిమా ఫస్ట్​లుక్

ఇది చదవండి: చిరంజీవి సినిమాలోని సీన్ నాని చిత్రంలో కాపీ!