హిట్ జోడీగా పేరు తెచ్చుకున్న గోపీచంద్, అనుష్క శెట్టి.. 'లక్ష్యం', 'శౌర్యం'లో కలిసి నటించారు. ఇప్పుడు మూడోసారి ప్రేక్షకుల్ని అలరించేందుకు సిద్ధమవుతున్నారట. ప్రముఖ దర్శకుడు తేజ.. గోపీచంద్తో 'అలిమేలుమంగ వేంకటరమణ' చిత్రాన్ని తీస్తున్నారు. ఇందులో హీరోయిన్గా కీర్తి సురేష్‌ను ఎంపిక చేశారంటూ గతంలో వార్తలొచ్చాయి. ఇప్పుడు ఆ స్థానంలోనే అనుష్కను తీసుకోనున్నారని సమాచారం.
దీని గురించే చర్చలు జరుగుతున్నాయని, త్వరలోనే స్పష్టత రావచ్చని సమాచారం. మరి అనుష్క ఓకే చెప్తుందా, లేదా? తెలియాలంటే కొన్ని రోజులు ఆగాల్సిందే.