పవన్​ అభిమానులకు సారీ చెప్పిన అనుపమ

అనుపమ చేసిన ఓ ట్వీట్​పై పవన్​ కల్యాణ్ అభిమానులు ఆగ్రహం వ్యక్తం చేశారు. దీంతో వారికి క్షమాపణలు చెప్పిందీ ముద్దుగుమ్మ. ఇంతకీ ఏం జరిగింది?

హీరోయిన్ అనుపమ పరమేశ్వరన్​.. పవర్​స్టార్ పవన్​ కల్యాణ్ అభిమానులకు క్షమాపణలు చెప్పింది. తన పొరపాటు ఇప్పుడే గుర్తించానని ట్విట్టర్​లో పేర్కొంది.

ఇటీవల ఓటీటీలో 'వకీల్​సాబ్' విడుదలైంది. సినిమా చూసిన తర్వాత ట్వీట్ చేసిన అనుపమ.. అందులో పవన్​ కల్యాణ్ అని మాత్రమే రాసింది. మరోవైపు ప్రకాశ్​రాజ్ సర్ అంటూ రాసుకొచ్చింది. దీంతో ఆమెపై పవన్​ అభిమానులు ఆగ్రహం వ్యక్తం చేశారు. తమ అభిమాన హీరోకు గౌరవం ఇవ్వలేదని కామెంట్లు పెట్టారు. దీంతో వారికి క్షమాపణలు చెబుతూ అనుపమ మరో ట్వీట్ చేసింది.

ప్రస్తుతం ఈమె తెలుగులో '18 పేజీస్', 'రౌడీ బాయ్స్' చిత్రాల్లో నటిస్తూ బిజీగా ఉంది.