ఆ హత్యకు.. ఈ అమ్మాయిలకు సంబంధం ఏంటి?

'అనుకున్నది ఒక్కటి అయినది ఒక్కటి' సినిమా ట్రైలర్ ఆసక్తి రేపుతోంది. ప్రధాన పాత్రల్లో నటించిన నలుగురు భామలు తమ అంద చందాలతో చిత్రంపై అంచనాలను పెంచుతున్నారు.​

సాధారణంగా గోవాలో ఎంజాయ్‌ చేయటానికి అబ్బాయిలు గ్యాంగ్​తో వెళతారు. ఇందులో మాత్రం నలుగురు అమ్మాయిలు వెళ్లారు. అందులోను అందమైన భామలు. ఇక వారి వినోదానికి అంతే లేకుండా పోయింది. ఇంతలో వారికి కావలిసిన ఒకతను హత్యకు గురవుతాడు. వారి పరిస్థితి 'అనుకున్నది ఒక్కటి, అయినది ఒక్కటి' అన్నట్లుగా మారింది. మరి ఈ హత్య చేసింది ఎవరు? ఈ క్రైమ్‌ నుంచి వారు బయట పడ్డారా? లేదా? అనే విషయాలు తెలియాలంటే ఈ సినిమా విడుదల వరకు ఎదురు చూడాల్సిందే.

క్రైమ్‌ అడల్ట్‌ కామెడీ కథతో ఈ చిత్రాన్ని రూపొందించారు. ట్రైలర్​ను హీరో నితిన్ సోమవారం విడుదల చేశాడు. ఇందులో ధన్య బాలకృష్ణన్, సిద్ధి ఇదానీ, కోమలి, త్రిదా చౌదరి హీరోయిన్లుగా నటించారు. భల్లు దర్శకత్వం వహించాడు. త్వరలో ప్రేక్షకుల ముందుకు రానుంది.

ఇది చదవండి: అమ్మాయి కోసం సిగరెట్​ మానేసిన ఎస్పీ బాలు