నందమూరి హీరో బాలకృష్ణ కొత్త చిత్రానికి యువ సంగీత సంచ‌ల‌నం అనిరుధ్ స్వరాలు స‌మ‌కూర్చ‌బోతున్నాడా..! అవున‌నే అంటున్నాయి తెలుగు సినిమా వ‌ర్గాలు. 'అజ్ఞాతవాసి', 'జెర్సీ', 'గ్యాంగ్‌లీడ‌ర్' చిత్రాల‌కు ఇతడు స‌మ‌కూర్చిన సంగీతం శ్రోత‌ల్ని ఎంత‌గానో అల‌రించింది. ఈ కారణంగా అనిరుధ్కు తెలుగు నుంచి మ‌రిన్ని అవ‌కాశాలు వెల్లువెత్తుతున్నాయి. ప్ర‌స్తుతం త‌మిళంలో ప‌లువురు అగ్ర క‌థానాయ‌కుల చిత్రాల‌కి ప‌నిచేస్తున్నాడు. తెలుగులో క‌థాబ‌ల‌మున్న చిత్రాల్ని ఒప్పుకుంటూ ప్ర‌యాణం చేస్తున్నాడు.
బాలయ్య కోసం సెన్సేషనల్ మ్యూజిక్ డైరెక్టర్.!
నందమూరి నటసింహం బాలకృష్ణ హీరోగా బోయపాటి శ్రీను దర్శకత్వంలో ఓ సినిమా తెరకెక్కనుంది. ఈ చిత్రానికి తమిళ సెన్సేషనల్ మ్యూజిక్ డైరెక్టర్ స్వరాలు సమకూర్చనున్నాడని సమాచారం.
బాలయ్య
బాలకృష్ణ-బోయపాటి శ్రీను క‌ల‌యిక‌లో తెర‌కెక్క‌బోతున్న కొత్త సినిమా కోసం ఇటీవ‌ల అనిరుధ్‌ని సంప్ర‌దించిన‌ట్లు సమాచారం. మ‌రి ఈ యువ సెన్సేషన్ ఓకే చెప్పాడా లేదా అన్న‌ది మాత్రం ఇంకా బ‌య‌టికి రాలేదు. అనిరుధ్ మాస్ నాడి బాగా తెలిసిన సంగీత ద‌ర్శ‌కుడు. త‌మిళంలో ర‌జ‌నీకాంత్ మొద‌లుకుని ప‌లువురు అగ్ర క‌థానాయ‌కుల చిత్రాల‌కు స్వరాలు స‌మ‌కూర్చాడు. అభిమానుల్ని అల‌రించేలా సంగీతం స‌మ‌కూర్చ‌డంలో ప‌ట్టు ప్ర‌ద‌ర్శిస్తున్నాడు. బాలకృష్ణ - బోయపాటి వంటి శ‌క్తివంత‌మైన క‌ల‌యిక‌లోకి అనిరుధ్ కూడా చేరాడంటే ఇక ఆ సినిమాపై మ‌రిన్ని అంచ‌నాలు పెర‌గ‌డం ఖాయం.
ఇవీ చూడండి.. వారినే పెళ్లి చేసుకుంటానని భీష్మించిన రాశి