ఆ రీమేక్​లో నితిన్​తో తమన్నా-నభా నటేష్

హీరో నితిన్ కొత్త సినిమాలో నభా నటేష్, తమన్నా కథానాయికలుగా నటించనున్నారు. త్వరలో షూటింగ్ ప్రారంభం కానుంది.

టాలీవుడ్ కథానాయకుడు నితిన్ 'అంధాధున్' రీమేక్​లో హీరోయిన్ల ఎంపిక పూర్తయింది. ఎప్పటి నుంచో పలువురి భామల పేర్లు అనుకుంటున్నప్పటికీ చివరకు తమన్నా-నభా నటేష్​లను ఖరారు చేశారు. ఈ మేరకు ప్రకటన విడుదల చేసింది చిత్రబృందం. మాతృకలో టబు-రాధిక ఆప్టే పోషించిన పాత్రల్లో వీరిద్దరూ కనిపించనున్నారు.

ఓ అంధుడు, ఓ మర్డర్​ మిస్టరీ మధ్య సాగే కథతో ఈ సినిమా తీయనున్నారు. మేర్లపాక గాంధీ దర్శకత్వం వహిస్తున్నారు. మహతి స్వరసాగర్ సంగీతమందిస్తున్నారు. బి.మధు సమర్పణలో ఎన్‌.సుధాకర్‌ రెడ్డి, నిఖితా రెడ్డి సంయుక్తంగా నిర్మిస్తున్నారు.

'అంధాధున్' రీమేక్​ విషయమై శ్రేష్ఠ్ మూవీస్ ప్రకటన