ప్రముఖ యాంకర్ ప్రదీప్ మాచిరాజు హీరోగా పరిచయమవుతున్న చిత్రం '30 రోజుల్లో ప్రేమించటం ఎలా?'. అమృతా అయ్యర్‌ హీరోయిన్. సుకుమార్‌ దగ్గర సహాయ దర్శకుడిగా పనిచేసిన మున్నా దర్శకత్వం వహిస్తున్నాడు. ఎస్‌.వి.బాబు నిర్మాత. చిత్రీకరణ పూర్తి చేసుకున్న ఈ సినిమా ఫస్ట్‌లుక్‌, మోషన్‌ పోస్టర్లను హీరో రానా ఆవిష్కరించాడు.
ప్రదీప్ హీరోగా '30 రోజుల్లో ప్రేమించటం ఎలా?'
యాంకర్ ప్రదీప్ ప్రేమలో పడితే ఎలా ఉంటుంది? వెంటనే అతడి ప్రేమకథ చూడాలనిపిస్తోంది కదా. అయితే కాస్త ఓపికపట్టాల్సిందే. త్వరలో అతడు హీరోగా నటించిన ఆ సినిమా ప్రేక్షకుల ముందుకు రానుంది. ఫస్ట్లుక్ను శనివారం విడుదల చేశారు.
30 రోజుల్లో ప్రేమించటం ఎలా..!
"మేం డిజైన్‌ చేసిన పేరుకు మంచి స్పందన లభించింది. రానా ఈ పోస్టర్ల కాన్సెప్ట్‌ను మెచ్చుకున్నారు. ప్రముఖ నటీనటులు, సాంకేతిక నిపుణులు ఈ చిత్రానికి పనిచేశారు. త్వరలోనే విడుదల తేదీని ప్రకటిస్తాం."
- చిత్ర బృందం
ఈ సినిమాలో శివన్నారాయణ, హేమ, పోసాని, శుభలేఖ సుధాకర్‌ తదితరులు నటిస్తున్నారు. అనూప్ రూబెన్స్ సంగీతం అందిస్తుండగా చంద్రబోస్ పాటలు రాస్తున్నారు.
ఇదీ చదవండి: బోల్డ్‌ ఇమేజ్‌ కావాలనుకోలేదు.. ఇప్పుడది వదులుకోలేను
Last Updated : Feb 18, 2020, 10:48 AM IST