'పుష్ప'(pushpa allu arjun movie) సినిమా నుంచి అదిరిపోయే అప్డేట్ వచ్చింది. ఈ చిత్రంలోని అనసూయ లుక్ను విడుదల చేసింది చిత్రబృందం. దక్షాయనిగా ఆమె పాత్రను పరిచయం చేస్తూ కొత్త పోస్టర్ను రిలీజ్ చేసింది(anasuya latest movie). ఇందులో ఆమె.. నోట్లో ఆకు నములుతూ, చేతిలో కత్తెర పట్టుకొని దర్శనమిచ్చింది. ముఖ్యంగా ఆమె హెయిర్ స్టైల్ ప్రత్యేకంగా నిలిచింది. ఈ లుక్ సినిమాపై మరింత ఆసక్తిని రేకెత్తిస్తోంది.
అంతకుముందు సుకుమార్ దర్శకత్వంలో రూపొందిన 'రంగస్థలం' సినిమాలో రంగమ్మత్తగా కనిపించి ప్రేక్షకుల్లో తనకంటూ ఓ ప్రత్యేక గుర్తింపు తెచ్చుకుంది అనసూయ. ఈ చిత్రంలోని ఆమె నటనకు విమర్శకుల ప్రశంసలు దక్కాయి. ఈ నేపథ్యంలో 'పుష్ప'లోని దక్షాయని పాత్ర కూడా భిన్నంగా ఉంటుందని అభిమానులు ఆశిస్తున్నారు.