పవర్​స్టార్​ కొత్త సినిమాలో రంగమ్మత్తకు ఛాన్స్..!​

బుల్లితెర అందాల యాంకర్​ అనసూయ భరద్వాజ్‌ మరో లక్కీ ఛాన్స్‌ కొట్టేసిందా? మరోసారి మెగా హీరోతో నటించనుందా? అనే ప్రశ్నలకు అవుననే అంటున్నాయి చిత్రసీమ వర్గాలు.

'క్షణం'తో నటిగా మంచి గుర్తింపు తెచ్చుకున్న అనసూయకు 'రంగస్థలం' సినిమాతో భారీ బ్రేక్‌ వచ్చింది. ఇప్పుడీ భామ రెండు మెగా ఛాన్స్‌లు కొట్టేసినట్లు సమాచారం అందుతోంది. అల్లుఅర్జున్‌ - సుకుమార్‌ కాంబినేషన్​లో తెరకెక్కుతోన్న చిత్రంతో పాటు, పవర్‌స్టార్‌ కొత్త సినిమాలోనూ నటించే అవకాశం దక్కించుకుందని సినీవర్గాల్లో ప్రచారం జరుగుతోంది.

'పింక్‌' రీమేక్‌ తర్వాత పవన్‌ హీరోగా.. క్రిష్‌ దర్శకత్వంలో ఓ పీరియాడికల్‌ చిత్రం తెరకెక్కనుంది. దీనిని మొఘలాయుల కాలం నాటి కథతో పాన్‌ ఇండియా చిత్రంగా రూపొందిస్తారని సమాచారం. ఇందులో పవన్‌ రాబిన్‌ హుడ్‌ తరహా పాత్రలో కనిపించనుండగా.. అతడికి సహాయపడే ఓ కీలక పాత్రలో అనసూయ నటించనుందట. ఇప్పటికే ఈ పాత్ర చేయడానికి ఆమె ఒకే చెప్పినట్లు చిత్రసీమలో గుసగుసలు వినిపిస్తున్నాయి. ఈ సినిమా చిత్రీకరణను మార్చిలో ప్రారంభించి వచ్చే ఏడాది సంక్రాంతికి విడుదల చేయడానికి చిత్రబృందం సన్నాహాలు చేస్తోంది.

ఇదీ చూడండి..'మైదాన్​' సినిమా విడుదల తేదీలో మార్పు