యువ కథానాయకుడు ఆనంద్ దేవరకొండ వ్యాపార రంగంలోకి అడుగుపెట్టారు. 'మిడిల్క్లాస్ మెలొడీస్' చిత్రం పారితోషికంతో బిజినెస్‌ ఆరంభించినట్లు సోషల్‌ మీడియా వేదికగా ప్రకటించారు.
"మిడిల్క్లాస్ మెలొడీస్' నాకు తొలి పెద్ద విజయాన్ని, చెక్కును ఇచ్చింది. అంతేకాదు మీ ప్రేమ నాలో బలంతోపాటు ఆత్మస్థైర్యాన్ని నింపింది. ఈ విజయాన్ని పంచుకుంటూ మొదటి అడుగుగా నా స్నేహితుడితో కలిసి ఫుడ్‌ డ్రీమ్స్‌లో పెట్టుబడి పెట్టా. విజయ్‌కు, నాకు సక్సెస్‌ ఇచ్చిన సినిమా కథాంశాలన్నీ ఆహారం-డ్రీమ్స్‌ చుట్టూ సాగినవే. అందుకే నా మొదటి పారితోషికంతో మీకు రుచికరమైన ఆహారం తినిపించాలని, నా స్నేహితులకు సపోర్ట్‌గా ఉండాలని నిర్ణయించుకున్నా. మేమంతా ఎన్నో కలలు కంటూ కలిసి పెరిగాం"