నిత్యం సినిమాలు... షూటింగులు అంటూ బిజీగా ఉండే రోజుల్లోనే సామాజిక మాధ్యమాల్లో ఎంతో సందడి చేస్తుంటుంది అందాల తార అమీ జాక్సన్. ఇప్పుడు లాక్డౌన్ సమయంలో మరింతగా అభిమానుల్ని అలరిస్తోంది.
అమీ జాక్సన్ వ్యాయామ విన్యాసాలకు అభిమానులు ఫిదా
లాక్డౌన్ వేళ తను వ్యాయామం చేస్తున్న ఫొటోను అభిమానులతో పంచుకుంది అందాల తార అమీ జాక్సన్. కొత్త కొత్త విన్యాసాలు చేయటం అంటే చాలా ఇష్టమని ఈ సందర్భంగా తెలిపింది.
అమీ
ఫిట్‌నెస్‌ విషయంలో చాలా జాగ్రత్తలు తీసుకొనే ఈ బ్రిటిష్‌ బామ ఎప్పటికప్పుడు వర్కవుట్లకు సంబంధించిన ఫొటోలను అభిమానులతో పంచుకుంటోంది. తాజాగా ఓ వ్యాయామ విన్యాసం చేస్తున్న ఫొటోను ట్వీట్‌ చేసింది. ‘"నాకు కొత్త విన్యాసాలు చేయడం అంటే చాలా ఇష్టం" అంటూ ట్వీటింది.
అమీ కొత్త విన్యాసాన్ని చూసిన నెటిజన్లు.. "వావ్‌ అమీ" అంటూ పొగిడేస్తున్నారు. అమీ ఓ బిడ్డకు జన్మనిచ్చిన సంగతి తెలిసిందే. తల్లి అయినా అమీ అందం తగ్గలేదు అంటూ కొందరు స్పందిస్తున్నారు. లాక్‌డౌన్‌తో ఇంటికే పరిమితమైన సెలబ్రిటీలు.. తమ అభిమానుల్ని ఇలా సామాజిక మాధ్యమాల ద్వారా ఎవరి శైలిలో వాళ్లు అలరిస్తున్నారు