బాలీవుడ్ దర్శక నిర్మాత కరణ్ జోహార్ నిర్మిస్తున్న భారీ బడ్జెట్ సినిమా 'బ్రహ్మాస్త్ర'. మెగాస్టార్ అమితాబ్ బచ్చన్, నాగార్జున, రణ్బీర్ కపూర్, ఆలియా భట్, మౌనిరాయ్ వంటి భారీ తారాగణం ఇందులో ప్రధాన పాత్రలు పోషిస్తున్నారు. నేడు(ఆదివారం).. ఈ చిత్ర విడుదల తేదీపై స్పష్టతనిచ్చారు. ఈ ఏడాది డిసెంబరు 4న ప్రేక్షకుల ముందుకు తెస్తున్నట్లు ప్రకటించారు. ఈ తేదీలో ఎటువంటి మార్పు ఉండదని ట్వీట్ చేశారు అమితాబ్.
'బ్రహ్మస్త్ర' విడుదల తేదీ ఫిక్స్.. మార్పుల్లేవు: అమితాబ్
పాన్ ఇండియా సినిమా 'బ్రహ్మాస్త'ను ఈ డిసెంబరు 4న ప్రేక్షకుల ముందుకు తెస్తున్నట్లు ప్రకటించారు ప్రముఖ నటుడు అమితాబ్ బచ్చన్. ఈ విషయాన్ని ట్విట్టర్ వేదికగా ప్రకటించారు.
బ్రహ్మాస్త్ర సినిమా పోస్టర్
'బ్రహ్మాస్త్ర'ను పలు భాషల్లో విడుదల చేయనున్నారు. ప్రీతమ్ సంగీతమందిస్తున్నాడు. అయాన్ ముఖర్జీ దర్శకత్వం వహించాడు. ఫాక్స్ స్టార్ స్టూడియోస్, ధర్మ ప్రొడక్షన్స్ సంయుక్తంగా నిర్మిస్తున్నాయి
Last Updated : Feb 28, 2020, 9:37 PM IST