అమితాబ్ ప్రభుత్వ బాడీగార్డ్​కు అంత జీతమా?

బిగ్​బీ ప్రభుత్వ బాడీగార్డ్ కోట్ల రూపాయల జీతం ఆర్జిస్తున్నాడనే వార్త బీటౌన్​లో చక్కర్లు కొడుతోంది. దీంతో అతడిని వేరే చోటుకు బదిలీ చేశారు ఉన్నతాధికారులు. ప్రస్తుతం దీనిపై విచారణ జరుగుతోంది.

బాలీవుడ్​ మెగాస్టార్ అమితాబ్​ బచ్చన్​ బాడీగార్డుల్లో ఒకరైన పోలీస్​ కానిస్టేబుల్​ను బదిలీ చేయడం పెద్ద చర్చకు దారి తీసింది. బిగ్​బీకి రక్షణ ఉన్నందుకుగాను అతడు ఏడాదికి రూ. కోటి 50 లక్షలు సంపాదిస్తున్నాడనే ఊహాగానాలే ఇందుకు కారణం.

బాడీగార్డ్​తో అమితాబ్

ముంబయి పోలీస్​ డిపార్ట్​మెంట్​లో హెడ్​ కానిస్టేబుల్​గా పనిచేసిన జితేంద్ర షిండేను.. 2015లో సాధారణ ట్రాన్స్​ఫర్​లో భాగంగానే డీబీ మార్గ్ స్టేషన్​కు బదిలీ చేశారు. ఆ తర్వాత కాలంలో అమితాబ్​కు ఉన్న ఎక్స్ కేటగిరీలో అతడు సభ్యుడిగా మారారని సదరు అధికారి స్పష్టం చేశారు.

అయితే ఇటీవల వచ్చిన ఓ మీడియా కథనం ప్రకారం.. బిగ్​బీకి అత్యంత నమ్మకంగా ఉండే బాడీగార్డ్​ జితేంద్రకు ఏడాదికి రూ. కోటి 50 లక్షల శాలరీ ఇస్తున్నారట. దీంతో ఈ విషయం ఇప్పుడు చర్చనీయాంశంగా మారింది.

అయితే జితేంద్ర తన ఆస్తుల వివరాల్లో తన రూ.కోటి 50 లక్షల జీతం గురించి పేర్కొన్నారా లేదా అనే విషయమై రాష్ట్ర ప్రభుత్వం విచారణ జరుపుతోందట.

ఇవీ చదవండి: