ప్రముఖ బాలీవుడ్ నటుడు అమితాబ్ బచ్చన్ మరోసారి బుల్లితెర ప్రేక్షకుల్ని పలకరించడానికి సిద్ధమయ్యారు. భారతీయ టెలివిజన్‌ రంగంలోనే అత్యంత విజయవంతమైన షోగా 'కౌన్ బనేగా కరోడ్పతి'కి పేరుంది. ఈ కార్యక్రమాన్ని త్వరలోనే తిరిగి ప్రారంభించనున్నట్లు సోనీ టీవీ ట్విట్టర్లో వెల్లడించింది.
"కౌన్ బనేగా క్రోరోపతి 13వ సీజన్కు హోస్ట్‌గా వ్యవహరించేందుకు అమితాబ్ బచ్చన్ త్వరలో వస్తున్నారు. ఈ సీజన్ రిజిస్ట్రేషన్ మే 10 నుంచి ప్రారంభం కానుంది."
- సోనీ టీవీ ప్రకటన
అంతేకాదు ఈ కార్యక్రమానికి సంబంధించిన ప్రోమోను కూడా విడుదల చేసింది సోనీ టీవీ. 'కేబీసీ' 2000లో సంవత్సరంలో ప్రారంభమైంది. 20 ఏళ్లుగా విజయవంతంగా ఈ షో నడుస్తోంది. షో మొదటి, రెండు సీజన్లకు అమితాబ్ హోస్ట్ వ్యవహరించారు. తర్వాత మూడో సీజన్లో షారుఖ్ ఖాన్ హోస్ట్‌గా వ్యవహరించాడు.
గతేడాది అన్ని జాగ్రత్తలు తీసుకొని కొవిడ్‌ సమయంలోనూ బిగ్ బీ గేమ్‌ షో చేశారు. ఇందులో కొన్ని కొత్త అంశాలను చేర్చారు. ఈ సీజన్లో పాల్గొన్న పోటీదారులతో అమితాబ్ సామాజిక దూరాన్ని పాటిస్తూ షో నిర్వహించారు.
ఇదీ చూడండి:నారీ.. నారీ.. నడుమ 'బాల' మురారీ!
