కత్రినా కైఫ్ పెళ్లిలో అమితాబ్ బచ్చన్ స్టెప్పులు!

హీరోయిన్ కత్రినా కైఫ్ పెళ్లిలో స్టార్ నటుడు అమితాబ్ బచ్చన్ దంపతులు డ్యాన్స్​ చేసి, అలరించారు. ఇదంతా నగల దుకాణానికి సంబంధించిన కొత్త వాణిజ్య ప్రకటనలో భాగంగా జరిగింది.

అగ్ర హీరోల సమక్షంలో బాలీవుడ్ హీరోయిన్ కత్రినా కైఫ్ పెళ్లి ఘనంగా జరిగింది. అదేంటి అంత పెద్ద కథానాయిక ఎవరికి చెప్పకుండా, ఎటువంటి సమాచారం బయటకు రాకుండా వివాహం చేసుకుందా? అని ఆశ్చర్యపోతున్నారా. మరేం లేదు.. ఓ నగల దుకాణానికి సంబంధించిన ప్రకటనలో భాగంగా పై తతంగం అంతా జరిగింది.

కత్రినా కైఫ్​తో కలిసి డ్యాన్స్​ చేస్తున్న అమితాబ్ దంపతులు

ఈ నగల దుకాణం కోసంతాజాగా కొత్త యాడ్​ను తీశారు. ఇందులో కత్రినా తల్లిదండ్రులుగా అమితాబ్ బచ్చన్ దంపతులు నటించారు. ఈ పెళ్లికి వచ్చిన ముఖ్య అతిథులుగా అక్కినేని నాగార్జున(తెలుగు), శివరాజ్​కుమార్(కన్నడ), ప్రభు(తమిళం) కనిపించారు. ఈ ప్రకటన కోసం నటి కత్రినా కైఫ్​తో కలిసి అమితాబ్ బచ్చన్ దంపతులు డ్యాన్స్​ చేయడం విశేషం. ఈ ఫొటోలు కొన్నింటిని అమితాబ్ తన ట్విట్టర్​లో పంచుకున్నారు. పలు చిత్ర పరిశ్రమలకు చెందిన ఒకప్పటి అగ్రహీరోల కుమారులతో కలిసి నటించడం చాలా సంతోషంగా ఉందని రాసుకొచ్చారు.

నాగార్జున-శివ రాజ్​కుమా-ప్రభులతో అమితాబ్ దంపతులు