ఇటీవలే హాస్పిటల్ నుంచి డిశ్చార్జ్ అయిన బాలీవుడ్ ప్రముఖ నటుడు బిగ్ బీ అమితాబ్.. తన ఆరోగ్యంపై వస్తున్న వార్తలపై స్పందించారు. ఐదు కిలోలు బరువు తగ్గానని, బ్లాగ్ వేదికగా వెల్లడించారు. దీనిపై సంతోషంగా ఉన్నానని అన్నారు.
ఈ నెల 15న సాాధారణ చెకప్ నిమిత్తం ముంబయిలోని నానావతి ఆసుపత్రిలో చేరారు బిగ్బీ. అదే సమయంలో ఆయన ఆరోగ్య పరిస్థితి బాగోలేదంటూ పలు వార్తలు చక్కర్లు కొట్టాయి. వీటన్నింటికి తెరదించుతూ, తను బాగానే ఉన్నానని స్పష్టం చేశారు.
"కొద్ది రోజులుగా నేను బరువు తగ్గానని వైద్యులు అన్నారు. అవును నిజంగానే అలా జరిగింది. చాలా సంతోషంగా ఉంది. నాపై ప్రేమ చూపించిన, నా ఆరోగ్యం కోసం ప్రార్థనలు చేసిన వారందరికీ ధన్యవాదాలు"
-అమితాబ్ బచ్చన్, బాలీవుడ్ నటుడు