పాత్రకు తగ్గట్లుగా తన శరీరాన్ని మార్చుకోవడంలో ఎప్పుడూ ముందుంటారు బాలీవుడ్ అగ్ర కథానాయకుడు ఆమిర్ ఖాన్. అందుకే ఆయన్ని అభిమానులంతా మిస్టర్ పర్ఫెక్షనిస్ట్గా కీర్తిస్తుంటారు. కేవలం సినిమా సినిమాకు తన శరీరాన్ని మార్చుకోవడమే కాదు.. దానికి తగ్గట్లుగా సరికొత్త హెయిర్ స్టైల్స్తోనూ తెరపై కనువిందు చేస్తుంటారు. తాజాగా మరో కొత్త హెయిర్ స్టైల్తో ముందుకొచ్చి అందరీ దృష్టిని ఆకర్షిస్తున్నారు.
ఆమిర్ తనయ ఇరా ఖాన్ తన తండ్రితో దిగిన ఓ ఫొటోను ఇన్స్టాలో పోస్ట్ చేసింది. ప్రస్తుతం ఈ ఫొటో వైరల్గా మారింది. ఇందులో ఆమిర్ నీలం రంగు టీషర్ట్, పెద్ద తెలుపు రంగు కళ్లజోడు ధరించి బూడిద రంగు వెంట్రుకలతో ఫంకీ స్టైల్లో కనిపించారు.