అల్లు అర్జున్ సినిమాలకున్న క్రేజ్ గురించి ప్రత్యేకంగా చెప్పాల్సిన పనిలేదు. 'అల వైకుంఠపురములో' చిత్రంతో, అందులో ఉన్న 'బుట్టబొమ్మ', 'రాములో రాముల' గీతాలతో పప్రపంచవ్యాప్తంగా క్రేజ్ సంపాదించారు. గతంలో వచ్చిన 'దువ్వాడ జగన్నాథం' సినిమాతో ఇప్పుడు మరో రికార్డు సాధించారు.
భోజ్పురిలో రికార్డు బ్రేక్ చేసిన బన్నీ సినిమా - Allu Arjun pushpa
అల్లు అర్జున్ 'దువ్వాడ జగన్నాథం' భోజ్పురి వెర్షన్ రికార్డు సృష్టించింది. ఆ భాషలో అత్యధిక ఇంప్రెసెన్స్ పొందిన చిత్రంగా నిలిచింది.
భోజ్పురిలో రికార్డు బ్రేక్ చేసిన బన్నీ సినిమా
ఈ చిత్రం భోజ్పురి వెర్షన్, డించక్ టీవీలో ఇటీవల ప్రసారమవగా.. 39.83 లక్షల ఇంప్రెసెన్స్ సొంతం చేసుకుంది. ఆ భాషలో ఇప్పటివరకు ప్రసారమైన సినిమాల ఇంప్రెసెన్స్లో ఇదే అత్యధికం.
ఇదే విషయాన్ని దర్శకుడు హరీశ్ శంకర్ సోషల్ మీడియాలో పంచుకున్నారు. 'దువ్వాడ జగన్నాథం' హిందీ వెర్షన్ యూట్యూబ్లో దుమ్ములేపుతోంది. ఇప్పటికే 326 మిలియన్ల పైచిలుకు వ్యూస్ తెచ్చుకుంది.