టాలీవుడ్‌ స్టైలిష్‌స్టార్‌ అల్లు అర్జున్‌ కథానాయకుడిగా నటించిన 'అల.. వైకుంఠపురములో..' సినిమా నాన్‌ బాహుబలి-2 రికార్డ్స్‌ను సృష్టించింది. మాటల మాంత్రికుడు త్రివిక్రమ్‌ శ్రీనివాస్‌ దర్శకత్వం వహించాడు. సంక్రాంతి కానుకగా విడుదలైన ఈ చిత్రం.. సూపర్‌ హిట్‌ టాక్‌ను సొంతం చేసుకుంది. బన్నీ నటన, డ్యాన్స్‌లతో యాక్షన్‌ సన్నివేశాలకు అభిమానులు ఫిదా అయిపోగా.. త్రివిక్రమ్‌ తన మార్క్‌ డైలాగ్స్‌, స్క్రీన్ ప్లేతో మెప్పించాడు.
కలెక్షన్లు అదుర్స్...
'అల వైకుంఠపురములో..' సినిమా కలెక్షన్లలోనూ జోరు చూపిస్తోంది. నైజాం, వైజాగ్, కృష్ణ , వెస్ట్, సీడెడ్, గుంటూరు, నెల్లూరు ఏరియాల్లో బాహబలి-2 తర్వాత అత్యధిక వసూళ్లు సాధించిన చిత్రంగా నిలిచింది. ఈ ఏడాది ఓవర్సీస్‌లో విడుదలైన చిత్రాల్లో... బన్నీ సినిమా నంబర్ 1 స్థానంలో దూసుకెళ్తోంది.
లైక్స్లోనూ...
యూట్యూబ్‌లో మిలియన్‌కు పైగా లైక్స్ సాధించి సత్తా చాటింది 'రాములో రాములో' పాట. 146 మిలియన్ల (14 కోట్ల 60 లక్షల)కు పైగా వ్యూస్‌ సాధించిన ఈ పాటకు పది లక్షలకు పైగా లైక్స్ రావటం విశేషం. పార్టీ మూడ్‌లో సాగే ఈ పాటలో బన్నీ వేసిన హాఫ్‌ కోట్‌ స్టెప్‌ (దోశ స్టెప్‌) కూడా చాలా ఫేమస్‌ అయ్యింది.