ఐకాన్ స్టార్ అల్లు అర్జున్-త్రివిక్రమ్(allu arjun trivikram movies) కాంబోలో మరో సినిమాకు రంగం సిద్ధమైందా? ఈ విషయం ఇప్పుడు టాలీవుడ్లో హాట్టాపిక్గా మారింది. సితార ఎంటర్టైన్మెంట్స్ పతాకంపై పలు సినిమాలు నిర్మించిన సూర్యదేవర నాగవంశీ.. గురువారం ఉదయం ఓ ట్వీట్ చేశారు. త్వరలో బిగ్ సర్ప్రైజ్ రానుందని చెప్పడం సహా బన్నీ, త్రివిక్రమ్, తమన్తో కలిసున్న ఫొటోను పోస్ట్ చేశారు. దీంతో అభిమానులు అప్పుడే పండగ చేసుకోవడం మొదలుపెట్టేశారు.
బన్నీ-త్రివిక్రమ్(allu arjun trivikram movies) కలయికలో ఇప్పటికే 'జులాయి', 'సన్నాఫ్ సత్యమూర్తి', 'అల వైకుంఠపురములో'(ala vaikunthapurramuloo full movie) లాంటి హిట్, బ్లాక్బస్టర్ సినిమాలు ప్రేక్షకుల ముందుకొచ్చాయి. దీంతో నాలుగోసారి వీళ్ల సినిమా అంటే అంచనాలు భారీగా ఉండే అవకాశముంది. మరి దీని గురించి స్పష్టత రావాలంటే ఆ సర్ప్రైజ్ వచ్చేవరకు వెయిట్ చేయాల్సిందే.
బన్నీకి కుదురుతుందా?
ప్రస్తుతం అల్లు అర్జున్ లైనప్ పకడ్బందీగా ఉంది. ప్రస్తుతం చేస్తున్న 'పుష్ప'(pushpa release date) తర్వాత 'ఐకాన్', 'పుష్ప 2', స్టార్ డైరెక్టర్ మురగదాస్తో సినిమాలు చేయాల్సి ఉంది. బోయపాటితోనూ మరోసారి కలిసి పనిచేయనున్నారనే వార్తలు వస్తున్నాయి. ఒకవేళ త్రివిక్రమ్తో(trivikram next movie) సినిమా అనుకుంటే మాత్రం వీటన్నింటి మధ్య కుదురుతుందా అనేది ప్రశ్న?