అల్లు అర్జున్ డబ్బింగ్ షురూ చేశాడట..!

అల్లు అర్జున్ హీరోగా త్రివిక్రమ్ దర్శకత్వంలో తెరకెక్కుతోన్న చిత్రం 'అల వైకుంఠపురములో'. ఈ సినిమా సంక్రాంతి కానుకగా ప్రేక్షకుల ముందుకు రాబోతుంది. విడుదల తేదీ దగ్గర పడుతుండటం వల్ల పోస్ట్ ప్రొడక్షన్ పనులు వేగవంతం చేసింది చిత్రబృందం.

సంక్రాంతి బరిలో అదృష్టాన్ని పరీక్షించుకోవడానికి సిద్ధపడుతున్నాడు స్టైలిష్ స్టార్ అల్లు అర్జున్. ఈ హీరో నటించిన 'అల వైకుంఠపురములో' విడుదల తేదీ దగ్గరపడుతుండటం వల్ల చిత్ర యూనిట్ పోస్ట్ ప్రొడక్షన్ పనులను పూర్తి చేసే పనిలో నిమగ్నమైంది. ప్రస్తుతం బన్నీ ఈ సినిమాకు డబ్బింగ్ పనులు మొదలుపెట్టినట్లు సమాచారం. ఇతడితో పాటు సుశాంత్ కూడా డబ్బింగ్​లో పాల్గొంటున్నట్లు తెలుస్తోంది.

త్రివిక్రమ్-బన్నీ కాంబినేషన్​లో ఇది మూడవ చిత్రం. ఫలితంగా ఈ సినిమాపై భారీ అంచనాలున్నాయి. అందుకు తగ్గట్లే ఇప్పటికే విడుదలైన పాటలు, టీజర్ ప్రేక్షకుల్ని ఆకట్టుకుంటున్నాయి. అలాగే ఈ సినిమా నుంచి ఈరోజు 'బుట్ట బొమ్మ' సాంగ్ టీజర్ విడుదల చేశారు. పూర్తి సాంగ్​ను ఈనెల 24న విడుదల చేయనున్నారు.

ఇవీ చూడండి.. 'పైరసీని ప్రోత్సహిస్తే.. నాణ్యమైన చిత్రాలు రావు'