తగ్గేదే ల్యా.. అనే సంభాషణ తరహాలోనే చిత్రీకరణలోనూ జోరు చూపిస్తోంది 'పుష్ప' బృందం. కరోనా ఉద్ధృతి కొనసాగుతున్న సమయంలోనూ ఈ సినిమా చిత్రీకరణ సాగింది. ఇటీవల కరోనా తగ్గుముఖం పట్టడం.. లాక్‌డౌన్‌ సడలింపులు రావడం వల్ల మళ్లీ రంగంలోకి దిగేందుకు సిద్ధమైంది చిత్రబృందం. ఈ నెలాఖరు నుంచే హైదరాబాద్‌లో చిత్రీకరణ షురూ చేయనున్నారు.
Allu arjun: 'పుష్ప' కోసం బన్నీ.. ఈ నెలాఖరు నుంచే - telugu movie news
కరోనా ప్రభావం తగ్గుతుండటం వల్ల షూటింగ్కు సిద్ధమవుతున్నారు. జూన్ నెలాఖరు నుంచే సెట్లో హీరోతో పాటు ప్రధాన తారాగణం అడుగుపెట్టనున్నారు.
అల్లు అర్జున్ పుష్ప
హీరో అల్లు అర్జున్, ఇతర ప్రధాన తారాగణంపై కీలక సన్నివేశాల్ని తెరకెక్కించనున్నారు. సుకుమార్‌ దర్శకత్వంలో మైత్రీ మూవీ మేకర్స్‌ నిర్మిస్తున్న ఈ చిత్రం రెండు భాగాలుగా రూపొందనుంది. తొలి భాగం దాదాపు తుదిదశకు చేరుకుంది. 'ఆర్య', 'ఆర్య2' తర్వాత అల్లు అర్జున్ - సుకుమార్‌ కలయికలో రూపొందుతున్న చిత్రమిది. రష్మిక కథానాయిక. ఫాహద్‌ ఫాజిల్‌ ప్రతినాయకుడిగా నటిస్తున్నారు. శేషాచలం అడవుల నేపథ్యంలో సాగే కథ ఇది.
ఇవీ చదవండి: