Pushpa trailer: అల్లు అర్జున్ 'పుష్ప' సినిమా ట్రైలర్ విడుదలకు మరో రోజు మాత్రమే ఉంది. సోమవారం ఉదయం దీనిని రిలీజ్ చేయనున్నారు. దీని కోసం ఫ్యాన్స్ తెగ ఆసక్తితో ఎదురుచూస్తున్నారు. ఇప్పటికే వచ్చిన ట్రైలర్ టీజ్.. చిత్రంపై అంచనాలు తెగ పెంచేస్తోంది. టీజ్ ఇలా ఉందంటే ఇక ట్రైలర్ ఏ రేంజ్లో ఉండబోతుందో అని ఊహాగానాలు పెంచేసుకుంటున్నారు.
శేషాచలం అడవుల నేపథ్యంగా తీసిన ఈ సినిమాలో అల్లు అర్జున్ లారీ డ్రైవ్, స్మగ్లర్, డాన్గా కనిపించనున్నారు. రష్మిక హీరోయిన్. ఫహాద్ ఫాజిల్, సునీల్, అనసూయ తదితరులు కీలకపాత్రలు పోషించారు. దేవిశ్రీ ప్రసాద్ సంగీతమందించారు. సుకుమార్ దర్శకుడు. మైత్రీ మూవీ మేకర్స్ పాన్ ఇండియా స్థాయిలో నిర్మించింది. డిసెంబరు 17న ప్రపంచవ్యాప్తంగా థియేటర్లలోకి ఈ సినిమాను తీసుకురానున్నారు.
Raviteja new movie: మాస్ మహారాజా రవితేజ 'రామారావు ఆన్ డ్యూటీ' సినిమా నుంచి అప్డేట్ వచ్చేసింది. సోమవారం ఉదయం 10:08 గంటలకు 'ఇష్యూయింగ్ ఆర్డర్స్' రానున్నాయని ఓ ఫొటో పోస్ట్ చేశారు. అయితే ఇది టీజర్ గురించి అని అభిమానులు చర్చించుకుంటున్నారు.