అల్లుఅర్జున్ కథానాయకుడిగా నటిస్తున్న 'పుష్ప'(Pushpa News)నుంచి కొత్త అప్డేట్ వచ్చింది. ఈ సినిమాలోని రెండోపాట విడుదల తేదీని త్వరలో ప్రకటిస్తామని చిత్రనిర్మాణ సంస్థ మైత్రీ మూవీ మేకర్స్ ట్వీట్ చేసింది. చిత్రీకరణ జరుగుతున్న లొకేషన్ ఫోటోనూ పోస్ట్ చేసింది.
పుష్ప(Pushpa Latest Updates) మొదటి పాట 'దాక్కో దాక్కో మేక'ను ఆగస్టు 13న విడుదల చేసింది. ఇప్పటికే ఈ సాంగ్ రికార్డు స్థాయిలో 52 మిలియన్ వ్యూస్తో దూసుకెళ్తోంది. అంతకుముందు రిలీజైన 'పుష్ప'(Pushpa News) టీజర్ కూడా సినీప్రియులను విపరీతంగా ఆకట్టుకుని.. సినిమాపై అంచనాలను పెంచేసింది. అయితే ప్రస్తుతం ఈ చిత్రం షూటింగ్ తుదిదశకు చేరుకున్నట్లు సమాచారం. ఈ చిత్రాన్ని రెండు భాగాలుగా తెరకెక్కిస్తున్నారు దర్శకుడు సుకుమార్.
మైత్రీ మూవీ మేకర్స్ పతాకంపై ముత్తంశెట్టి మీడియాతో కలిసి నవీన్‌ ఎర్నేని, వై.రవిశంకర్‌లు నిర్మిస్తున్న ఈ చిత్రంలో రష్మిక కథానాయిక. ఫహాద్‌ ఫాజిల్‌ ప్రతినాయకుడిగా నటిస్తున్నారు. దేవీశ్రీ ప్రసాద్‌ స్వరాలు సమకూరుస్తున్నారు. ఈ ఏడాది క్రిస్మస్‌కు(Pushpa Release Date) చిత్రాన్ని ప్రేక్షకుల ముందుకు తెస్తున్నట్లు ఇప్పటికే ప్రకటించారు.