ఐకాన్ స్టార్ అల్లు అర్జున్ 'పుష్ప' టీజర్ విడుదలైనప్పటి నుంచే ఈ సినిమాపై భారీ అంచనాలు ఏర్పడ్డాయి. అందుకు తగ్గట్లుగా దర్శకుడు బుచ్చిబాబు చేసిన తాజా వ్యాఖ్యలు, బన్నీ అభిమానులకు పట్టరాని సంతోషాన్ని కలిగిస్తున్నాయి. తాను 'పుష్ప' చూశానని పది 'కేజీఎఫ్'లు కలిస్తే ఈ సినిమా అని అన్నారు.
"అల్లు అర్జున్.. టాలీవుడ్లో ఏ హీరో చేయని సాహసం చేశారు. బన్నీ క్యారక్టరైజేషన్, ఎలివేషన్స్ ఆ లెవల్లో ఉంటాయి. పది 'కేజీఎఫ్'లు కలిస్తే 'పుష్ప' సినిమా. డీఎస్పీ మ్యూజిక్ ఎలా కొట్టారంటే నాకు ఇప్పుడే ఆ పాటలు పాడేయాలని అనిపిస్తోంది" అని బుచ్చిబాబు చెప్పారు.
అల్లు అర్జున్తో దర్శకుడు బుచ్చిబాబు 'ఉప్పెన'తో దర్శకుడిగా మారి హిట్ కొట్టిన బుచ్చిబాబు.. సుకుమార్ శిష్యుడు. అతడి దగ్గర పలు సినిమాలకు అసిస్టెంట్గా చేసిన ఈ ఏడాది వచ్చిన 'ఉప్పెన'తో డైరెక్షన్ చేశారు. దీని తర్వాత ఎన్టీఆర్తో కలిసి పనిచేయనున్నట్లు గతంలో ఓ ఇంటర్వ్యూలో వెల్లడించారు.
లాక్డౌన్ వల్ల ఆగిన 'పుష్ప' షూటింగ్.. ఈనెలాఖరు నుంచి తిరిగి మొదలుకానుంది. త్వరలో దానిని పూర్తి చేసి, ముందే చెప్పినట్లు ఆగస్టు 13న థియేటర్లలోకి తీసుకొచ్చే అవకాశముంది. లేదంటే ఏడాది చివర్లో ప్రేక్షకుల ముందుకు రావడం పక్కా!
ఇది చదవండి:Allu arjun: 'పుష్ప' కోసం బన్నీ.. ఈ నెలాఖరు నుంచే
