'క్రికెటర్ అర్జున్​గా నాని అదరగొట్టేశాడు'

నేచురల్ స్టార్ నాని హీరోగా నటించిన సినిమా 'జెర్సీ'. ఈ చిత్రాన్ని వీక్షించిన అల్లు అర్జున్.. చిత్రబృందాన్ని ప్రశంసించాడు.

శుక్రవారం విడుదలైన జెర్సీ సినిమాపై ప్రముఖులు ప్రశంసలు కురిపిస్తున్నారు. నిన్న జూనియర్ ఎన్టీఆర్ చిత్రబృందానికి అభినందనలు తెలిపాడు. తర్వాత స్టైలిష్ స్టార్ అల్లు అర్జున్ కూడా కితాబిచ్చాడు.

"గౌతమ్ తిన్ననూరి.. సినిమాను చాలా బాగా తెరకెక్కించాడు. హీరోగా నాని అదరగొట్టేశాడు. చిత్రబృందం మొత్తానికి శుభాకాంక్షలు. ఈ చిత్రానికి పనిచేసిన అందరూ తమ నటనతో ఆకట్టుకున్నారు" -అల్లు అర్జున్, టాలీవుడ్ హీరో

జెర్సీ చిత్రబృందాన్ని ప్రశంసిస్తూ అల్లు అర్జున్ ట్వీట్

ఈ సినిమాలో హీరోయిన్​గా శ్రద్ధా శ్రీనాథ్ నటించింది. అనిరుధ్ రవిచందర్ సంగీతమందించాడు. 36 ఏళ్ల రంజీ క్రికెటర్ పాత్రలో నాని కనిపించాడు. తండ్రి కొడుకుల అనుబంధం నేపథ్యంలో వచ్చిన ఈ చిత్రం.. ప్రస్తుతం ప్రేక్షకులను ఆకట్టుకునే పనిలో ఉంది.

ఇది చదవండి: నానీ.. బంతిని బౌండరీ బాదేశావ్​ : జూ.ఎన్టీఆర్​