Unstoppable with NBK: నందమూరి నటసింహం బాలకృష్ణతో సందడి చేయనున్నారు ఐకాన్ స్టార్ అల్లు అర్జున్. 'ఆహా' ఓటీటీలో బాలయ్య హోస్ట్ చేస్తున్న 'అన్స్టాపబుల్ విత్ ఎన్బీకే' షోకు ఆయన ప్రత్యేక అతిథిగా హాజరయ్యారు. దీంతో బాలయ్యతో కలిసి పుష్పరాజ్ ఎలాంటి అల్లరి చేశారో అని అభిమానులు ఆసక్తిగా ఎదురుచూస్తున్నారు. ఈ కార్యక్రమం డిసెంబర్ 25న ప్రసారంకానుంది.
ఇటీవలే 'అఖండ'తో థియేటర్లలో ప్రేక్షకుల ముందుకు వచ్చిన బాలయ్య భారీ విజయాన్ని అందుకున్నారు. ఆయన కెరీర్లోనే బిగ్గెస్ట్ హిట్గా నిలిచిన చిత్రమది. ఈ విజయాన్ని ఆస్వాదిస్తున్న ఆయన.. మళ్లీ తన తొలి టాక్ షో అన్స్టాపబుల్తో బిజీ అయ్యారు. ఈ క్రమంలోనే ఇటీవలే రవితేజ ఈ కార్యక్రమంలో పాల్గొన్నట్లు తెలిపిన అన్స్టాపబుల్ బృందం.. మంగళవారం బన్నీ హాజరైనట్లు వెల్లడించింది.
ఇక 'పుష్ప'తో బాక్సాఫీస్ వద్ద కలెక్షన్ల రికార్డులు సృష్టిస్తున్నాడు అల్లు అర్జున్. సుకుమార్ దర్శకత్వంలో తెరకెక్కిన ఈ చిత్రం ఈ నెల 17న ప్రేక్షకుల మందుకు వచ్చి పాజిటివ్ టాక్తో దూసుకుపోతోంది. బన్నీ నటనకు అభిమానులు సహా ఇండస్ట్రీ ప్రముఖులు ఫిదా అవుతున్నారు.