సాయికుమార్​ను కొట్టాలనుకున్నా!: సినీనటుడు వినోద్​కుమార్

Alitho saradaga Actor Vinodkumar: సినీ నటుడు వినోద్​ కుమార్​.. ఆలీతో సరదాగా కార్యక్రమానికి విచ్చేసి పలు ఆసక్తికర విషయాలను తెలిపారు. దిగ్గజ దర్శకులు కోడి రామకృష్ణ, దాసరి నారాయణరావుతో కలిసి పనిచేయడం ఓ వరం అని చెప్పారు. ఓ సందర్భంలో సాయికుమార్​ను కొట్టాలని అనిపించినట్లు పేర్కొన్నారు.

Alitho saradaga Actor Vinodkumar: 'మౌనపోరాటం', 'మామగారు', 'సీతారత్నంగారి అబ్బాయి' వంటి సూపర్​ హిట్​ చిత్రాలతో తెలుగు ప్రేక్షకులను అలరించిన నటుడు వినోద్​ కుమార్​.. 'ఆలీతో సరదాగా' కార్యక్రమానికి విచ్చేసి సందడి చేశారు. కెరీర్​ గురించి పలు ఆసక్తికర సంగతులను తెలిపారు. పలు సినిమాల్లో విలన్​గా నటించిన సత్యప్రకాశ్ కూడా ఈ షోలో కాసేపు సందడి చేశారు.

'కర్తవ్యం' సినిమా సమయంలో నటుడు సాయికుమార్​తో పరిచయం ఏర్పడినట్లు గుర్తుచేసుకున్న వినోద్​... తనకు డబ్బింగ్​ చెప్పని కారణంగా అప్పుడు సాయికుమార్​ను కొట్టాలనుకున్నట్లు(నవ్వుతూ) చెప్పారు.

తన అసలు పేరు వినోద్​ కుమార్​ అల్వా అని, దాన్ని అట్లూరి రామారావు.. వినోద్ కుమార్​గా మార్చారని తెలిపారు. దర్శకుడు మోహన్‌గాంధీతో ఐదు సినిమాలకు పనిచేశానని, ఆయన చాలా పర్‌ఫెక్ట్‌గా ఉండేవారన్నారు.

దర్శకులు కోడి రామకృష్ణ, దాసరి నారాయణరావుతో కలిసి పనిచేయడం అదృష్టమని పేర్కొన్నారు. ఓ పాట షూటింగ్‌లో డ్యాన్స్‌ చేస్తుంటే.. దాన్ని చూసి తన భార్య అక్కడి నుంచి సిగ్గుతో వెళ్లిపోయారని ఆ నాటి రోజుల్ని గుర్తుచేసుకున్నారు. తనకు బాగా కావాల్సిన వ్యక్తిని తలచుకుని కన్నీరుపెట్టారు.

ఇదీ చూడండి: అనారోగ్య సమస్యలతో ప్రముఖ నటి కన్నుమూత