దిగ్గజ దర్శకుడు రాజమౌళి ప్రతిష్టాత్మకంగా తెరకెక్కిస్తోన్న చిత్రం 'ఆర్ఆర్ఆర్'. యంగ్ టైగర్ ఎన్టీఆర్, మెగా పవర్స్టార్ రామ్చరణ్ ప్రధాన పాత్రల్లో నటిస్తున్నారు. ఈ సినిమాలో బాలీవుడ్ బ్యూటీ ఆలియా భట్ కూడా కనిపించనుంది. ఈ పాటికే ఆమె షూటింగ్లో పాల్గొనాల్సి ఉండగా.. లాక్డౌన్ కారణంగా కుదరలేదు. పరిమిత ఆంక్షలతో పలు సినిమాలు తిరిగి చిత్రీకరణ జరుపుకొంటున్నా.. 'ఆర్ఆర్ఆర్' మాత్రం ఇంకా పట్టాలెక్కలేదు.
'ఆర్ఆర్ఆర్' కోసం ఆలియా పూర్తి డేట్స్.. కానీ!
ప్రముఖ దర్శకుడు రాజమౌళి తెరకెక్కిస్తోన్న 'ఆర్ఆర్ఆర్' చిత్రం నవంబరులో తిరిగి షూటింగ్ ప్రారంభించుకోనుందని సమాచారం. ఈ క్రమంలోనే ఆలియా భట్ రెండు నెలలకు పూర్తి డేట్స్ ఇచ్చినట్లు తెలుస్తోంది.
ఆర్ఆర్ఆర్
అయితే, నవంబరులో ఈ సినిమా షూటింగ్ తిరిగి ప్రారంభిస్తారని తెలుస్తోంది. ఈ క్రమంలోనే ఆలియా నవంబరు, డిసెంబరు నెలల మొత్తానికి డేట్స్ ఇచ్చినట్లు సమాచారం. ఆ సమయంలోనే తన పాత్రకు సంబంధించిన మొత్తం చిత్రీకరణ పూర్తి చేయాలని రాజమౌళిని కోరిందట. మరి ఇందులో వాస్తవమెంతో తెలియాలంటే షూటింగ్ మొదలయ్యే వరకు ఎదురుచూడాల్సిందే.
ఈ చిత్రంలో ఆలియా భట్తో పాటు ఒలీవియా మోరిస్ హీరోయిన్గా నటిస్తోంది. కీరవాణి సంగీతం అందిస్తున్నారు. డీవీవీ ఎంటర్టైన్మెంట్స్ పతాకంపై దానయ్య నిర్మిస్తున్నారు. 'బాహుబలి' విజయం తర్వాత రాజమౌళి ప్రతిష్టాత్మకంగా తెరకెక్కిస్తున్న సినిమా కావడం వల్ల ఈ చిత్రానికి విపరీతమైన క్రేజ్ ఏర్పడింది.