బాలీవుడ్ భామ, 'ఆర్ఆర్ఆర్' ముద్దుగుమ్మ ఆలియా భట్ ఇటీవల ఓ ఈవెంట్లో కంటతడి పెట్టించే విషయాన్ని పంచుకుంది. ఒకానొక దశలో తన భావోద్వేగాన్ని నియంత్రించుకోలేక వేదికపైనే వెక్కివెక్కి ఏడ్చింది. ప్రస్తుతం ఇందుకు సంబంధించిన ఫొటోలు నెట్టింట వైరల్ అవుతున్నాయి. ఇంతకీ ఈ భామ ఇలా కన్నీటి పర్యంతమవ్వడానికి కారణమేంటో తెలుసా..?
ఆలియా బాధకు తన సోదరి ఆరోగ్య పరిస్థితే కారణమట. కొన్నేళ్ల క్రితం ఆలియా సోదరి షహీన్ తీవ్ర ఒత్తిడి(డిప్రెషన్)తో బాధపడిందట. సుదీర్ఘ చికిత్స తీసుకున్న తర్వాత తను కోలుకుంది. ఆ సమయంలో తన అనుభవాలు, భావోద్వేగాలను వివరిస్తూ 'ఐ హావ్ నెవర్ బీన్అన్హ్యాపీయర్' పేరుతో పుస్తకాన్ని రచించింది షహీన్. తాజాగా ఆలియా చేతుల మీదుగా ముంబయిలో పుస్తకావిష్కరణ జరిగింది. ఈ సందర్భంగా తన సోదరి ఒత్తిడితో ఎలా నరకం అనుభవించిందో తెలిపిందీ ముద్దుగుమ్మ.
"నేనెప్పుడూ ఒత్తిడితో బాధపడలేదు. కానీ, ఏదో తెలియని ఆత్రుతకు గురయ్యేదాన్ని. అయితే అక్క పరిస్థితి చూసి కొన్నాళ్లుగా నేనెంతో బాధపడ్డా. ఎట్టకేలకు తను ఆ ఒత్తిడిని జయించి మామూలు మనిషి అయినందుకు చాలా సంతోషంగా ఉంది. తను రాసిన ఈ పుస్తకం చదివాకే ఆమె ఎదుర్కొంటున్న సమస్య ఏంటో నాకు పూర్తిగా అర్థమైంది."