RGV: 'దావుద్​ కూతురు.. లాడెన్​ మనవరాలంటే ఇష్టం'

ఓసారి 'ఆలీతో సరదాగా'(Ali to Saradaga) కార్యక్రమానికి అతిథిగా విచ్చేసిన దర్శకుడు రామ్​గోపాల్​ వర్మ(Ramgopal Varma) పలు ఆసక్తికర విషయాలను పంచుకున్నారు. ఇందులో భాగంగా సినీఇండస్ట్రీలో కాకుండా బయట తనకు ఇష్టమైన అమ్మాయి గురించి చెప్పారు. చిరంజీవి, బాలకృష్ణ, నాగార్జున, వెంకటేశ్​లో బాలయ్య అంటే తనకు ఇష్టమని చెప్పారు.

అతి తక్కువ సమయంలో ఎక్కువ సినిమాలను తెరకెక్కించడం ప్రముఖ దర్శకుడు రామ్​గోపాల్​ వర్మ(Ramgopal Varma) ప్రత్యేకత. అయితే ఇన్ని కథలు తనకు ఎక్కడ నుంచి వస్తాయి అనేది అందరికీ ప్రశ్నే! దీనిపై చమత్కారంగా స్పందించారు ఆయన. ఈటీవీలో ప్రసారమయ్యే 'ఆలీతో సరదాగా'(Ali to Saradaga) కార్యక్రమానికి గతంలో అతిథిగా విచ్చేసిన ఆయన ఈ విషయాన్ని చెప్పారు. ఇందులో భాగంగానే తన కెరీర్​కు సంబంధించిన పలు విశేషాలను పంచుకున్నారు.

తనకు విపరీతంగా కోపం వచ్చిన ఓ సందర్భాన్ని గుర్తుచేసుకున్నారు. హీరో పవన్​కల్యాణ్​ అభిమానులు తనను అర్థం చేసుకోలేకపోయారని అన్నారు. చిరంజీవి, బాలకృష్ణ, నాగార్జున, వెంకటేశ్​లో బాలయ్య అంటే తనకు ఇష్టమన్నారు. అయితే అందుకు గల కారణాన్ని వివరించలేదు. సినిమా ఇండస్ట్రీ నుంచి ఏ అమ్మాయి అంటే ఇష్టమని అడిగిన ప్రశ్నకు రాజకీయ నాయకురాలు ప్రియాంకా గాంధీ అని చమత్కారంగా చెప్పారు. దావుద్​ ఇబ్రహీం కూతురు, ఒసామా బిన్​ లాడెన్​ మనవరాలు కూడా ఇష్టమని చెప్పి నవ్వులు పూయించారు. దీనికి సంబంధించిన వీడియోను చూసేయండి..

ఇదీ చూడండి: రామ్​గోపాల్​ వర్మ దర్శకత్వంలో మరోసారి అమితాబ్​?