ఎప్పటి నుంచో ఎదురుచూస్తున్న 'అల వైకుంఠపురములో' టీజర్ వచ్చేసింది. బన్నీ స్టైల్, త్రివిక్రమ్ మాటల మాయాజాలం.. ఇందులో కనిపించాయి. హాస్యం, యాక్షన్, ఎమోషన్ తదితర అంశాలతో రూపొందిన ఈ చిత్రం వచ్చే నెల 12న సంక్రాంతి కానుకగా ప్రేక్షకుల ముందుకు రానుంది.
ఇందులో బన్నీ సరసన పూజా హెగ్డే హీరోయిన్గా నటించింది. నివేదా పేతురాజ్ మరో కథానాయిక. సుశాంత్, నవదీప్, టబు, జయరాజ్ తదితరులు కీలక పాత్రలు పోషించారు. తమన్ సంగీతమందించాడు. త్రివిక్రమ్ దర్శకత్వం వహించాడు.