స్టైలిష్‌ స్టార్‌ అల్లు అర్జున్‌ కొత్త చిత్రం 'అల.. వైకుంఠపురములో'. తాజాగా ఈ సినిమా నుంచి కొత్త ఏడాదికి సినీప్రియుల కోసం అదిరిపోయే కానుకను సిద్ధం చేసింది చిత్రబృందం. ఇంతకీ అదేంటో తెలుసా.. 2019లో సినీ సంగీత ప్రియుల్ని ఓ ఊపు ఊపిన తన 'సామజవరగమన' గీతానికి సంబంధించిన వీడియో టీజర్ను డిసెంబరు 31న విడుదల చేయబోతున్నట్లు ప్రకటించింది.
ఇందుకు సంబంధించిన చిన్న గ్లింప్స్‌ను కూడా ఈ సందర్భంగా ట్విట్టర్లో షేర్‌ చేసింది చిత్రబృందం. ఈ ప్రచార చిత్రంలో అల్లు అర్జున్‌ ఈఫిల్‌ టవర్‌ ముందు స్టైలిష్‌గా స్టెప్పులు వేయడం, పూజా హెగ్డే క్యూట్‌ లుక్స్‌తో బన్ని ముందుకు రావడం వంటి సన్నివేశాల్ని చూపించారు.