'అలాంటి సిత్రాలు' టీజర్.. 'పాగల్' టైటిల్ సాంగ్ అప్​డేట్

విశ్వక్​సేన్ హీరోగా నటిస్తోన్న 'పాగల్' చిత్రంలోని టైటిల్ సాంగ్ రిలీజ్​కు ముహూర్తం కుదిరింది. అలాగే సుప్రిత్ కృష్ణ దర్శకత్వంలో తెరకెక్కుతోన్న 'అలాంటి సిత్రాలు' టీజర్ విడుదలైంది.

విశ్వక్​సేన్ హీరోగా నటిస్తోన్న 'పాగల్' చిత్రం నుంచి టైటిల్ సాంగ్​ విడుదలకు ముహూర్తం కుదిరింది. బుధవారం సాయంత్రం 4.05 గంటలకు ఈ పాట రిలీజ్ కానుంది. ఈ చిత్రంలో సిమ్రన్ చౌదరి, సలోని మిశ్రా హీరోయిన్లు. నరేశ్ కుప్పిలి దర్శకుడిగా పరిచయమవుతున్నాడు. ఏప్రిల్ 30న థియేటర్లలో సినిమా రిలీజ్ కానుంది.

పాగల్

యశ్​పూరి, శ్వేతా పరాషార్​ హీరోహీరోయిన్లుగా నటిస్తోన్న చిత్రం 'అలాంటి సిత్రాలు'. సుప్రిత్​ సి కృష్ణ దర్శకత్వం వహిస్తున్నాడు. తాజాగా ఈ సినిమా టీజర్​ విడుదల చేశాడు ప్రముఖ నిర్మాత దిల్​రాజు. నలుగురు విభిన్న తరహా వ్యక్తులు అనుకోకుండా ఒకరి దారిలో మరొకరు తారసపడిన తర్వాత వారి జీవితంలో చోటుచేసుకున్న పరిణామాల నేపథ్యంలో ఈ చిత్రం తెరకెక్కినట్లు తెలుస్తోంది. డైలాగ్స్ అలరిస్తున్నాయి.