స్టైలిష్‌స్టార్‌ అల్లుఅర్జున్ 'అల..వైకుంఠపురములో' సినిమా బాక్సాఫీస్ వద్ద వసూళ్ల పర్వం కొనసాగిస్తోంది. విడుదలైన పదిరోజుల్లోనే రూ.200 కోట్ల క్లబ్‌లోకి అడుగుపెట్టిందని సినీ విశ్లేషకులు అంచనా వేశారు. ఇప్పటికే ప్రపంచవ్యాప్తంగా రూ.220 కోట్లు (గ్రాస్‌) రాబట్టిందని, ఇది బన్నీ ఆల్ టైమ్ రికార్డని తెలిపారు. కేవలం పదిరోజుల్లోనే ఈ సినిమా రూ.143 కోట్లు (షేర్స్‌) రాబట్టినట్లు చెప్పారు. ఇది నాన్‌ బాహుబలి-2 రికార్డ్గా తెలుస్తోంది.
'అల.. వైకుంఠపురములో' బన్నీ ఆల్టైమ్ రికార్డు!
టాలీవుడ్ స్టైలిష్ స్టార్ అల్లు అర్జున్, స్టార్ డైరెక్టర్ త్రివిక్రమ్ కాంబినేషన్లో వచ్చిన చిత్రం 'అల వైకుంఠపురములో'. సంక్రాంతి కానుకగా విడుదలైన ఈ చిత్రం రూ. 220 కోట్లకు పైగా వసూళ్లతో దూసుకెళ్తోంది. బన్నీ కెరీర్లో ఇది ఆల్టైమ్ రికార్డ్గా తెలుస్తోంది.
అల.. వైకుంఠపురములో
నిజాంలో రూ.35.69 కోట్లు, సీడెడ్‌లో రూ.18.07 కోట్లు, వైజాగ్‌లో రూ.18.80 కోట్లు, గుంటూరులో రూ.9.93 కోట్లు, తూర్పుగోదావరిలో రూ.9.89 కోట్లు, పశ్చిమ గోదావరిలో రూ.7.65 కోట్లు, కృష్ణాలో రూ.8.80 కోట్లు, నెల్లూరులో రూ.4.07 కోట్లు, తెలుగు రాష్ట్రాల్లో రూ.112.90 కోట్లు, కర్ణాటకలో రూ.10.70 కోట్లు వసూలు చేసినట్లు సినీ విశ్లేషకులు అంచనా వేశారు.
మాటల మాంత్రికుడు త్రివిక్రమ్ శ్రీనివాస్‌, అల్లుఅర్జున్ క్రేజీ కాంబినేషన్లో తెరకెక్కిన 'అల..వైకుంఠపురములో' సంక్రాంతి కానుకగా జనవరి 12న ప్రేక్షకుల ముందుకు వచ్చింది. ఇందులో బన్నీకి జంటగా పూజా హెగ్డే నటించింది. టబు, రాజేంద్రప్రసాద్‌, మురళీశర్మ, సుశాంత్‌, నివేదా పేతురాజు కీలకపాత్రలు పోషించారు. తమన్‌ స్వరాలు అందించాడు.
Last Updated : Feb 18, 2020, 1:09 AM IST