అక్కడ 'బాహుబలి' తర్వాత బన్నీ సినిమానే

బన్నీ 'అల వైకుంఠపురములో'.. యూఎస్​లో అత్యధిక కలెక్షన్లు సాధించిన సినిమాల జాబితాలో మూడో స్థానంలో నిలిచింది. 'బాహుబలి', 'బాహుబలి ద కంక్లూజన్' చిత్రాలు ముందున్నాయి.

సంక్రాంతి కానుకగా వచ్చిన అల్లు అర్జున్ 'అల వైకుంఠపురములో' సినిమా.. టాలీవుడ్ బిగ్గెస్ట్ బ్లాక్ బస్టర్స్​లో ఒకటిగా నిలిచింది. బన్నీ కెరీర్​లో అత్యుత్తమ ఓపెనింగ్ వసూళ్ల​తో పాటు అనేక రికార్డులను సొంతం చేసుకుంది. తెలుగు రాష్ట్రాలతో పాటు ఓవర్సీస్​లోనూ విశేషాదరణ దక్కించుకుందీ చిత్రం.

యూఎస్​లో ఈ సినిమా.. అధికారికంగా నాన్ 'బాహుబలి' రికార్డును సొంతం చేసుకుంది. 3.52 మిలియన్ డాలర్ల వసూళ్లతో, రామ్ చరణ్ 'రంగస్థలం' కలెక్షన్లను దాటేసింది. అక్కడ అత్యధిక కలెక్షన్లు సాధించిన చిత్రాల జాబితాలో 'బాహుబలి' సిరీస్​ తర్వాతి స్థానంలో నిలిచింది.

ఈ సినిమాకు త్రివిక్రమ్ దర్శకత్వం వహించాడు. పూజా హెగ్డే హీరోయిన్. తమన్ సంగీతమందించాడు.​ హారిక అండ్ హాసిని క్రియేషన్స్, గీతా ఆర్ట్స్ సంయుక్తంగా నిర్మించాయి.

ఇదీ చదవండి: అందుకే సినిమాలకు తాత్కాలిక విరామం: అనుష్క శర్మ