మహేష్‌బాబు - అల్లు అర్జున్ సంక్రాంతి బరిలో పందెం కోళ్లలా పోటీ పడబోతున్న సంగతి తెలిసిందే. మహేశ్ 'సరిలేరు నీకెవ్వరు', అల్లు అర్జున్ 'అల.. వైకుంఠపురములో' చిత్రాలతో జనవరి 12న థియేటర్లలోకి రాబోతున్నట్లు ఇప్పటికే అధికారికంగా ప్రకటించేశారు. ఈ రెండూ మరో యాభై రోజుల్లో ప్రేక్షకుల ముందుకు రానున్నాయి. అయితే ప్రచార పర్వంలో బన్నీతో పోల్చితే మహేశ్ చాలా వెనకంజలో ఉన్నాడు.
నిజానికి 'అల.. వైకుంఠపురములో'తో పోల్చితే 'సరిలేరు నీకెవ్వరు'నే తొలి ప్రచార చిత్రాన్ని ముందుగా ప్రేక్షకులకు చూపించింది. సెట్స్‌పైకి వెళ్లిన రోజే విడుదల ముహూర్తాన్నీ ప్రకటించింది. అంతేకాదు చిత్ర టైటిల్‌ గీతాన్ని ముందుగా వినిపించింది కూడా మహేశ్ బృందమే. ఇక ఆ తర్వాత చిన్న చిన్న పోస్టర్లు మినహా చిత్ర బృందం పెద్దగా ప్రచార హడావుడి ఏమీ చేయలేదు. 'సరిలేరు..'తో పోల్చితే ఆలస్యంగానే ప్రచార పర్వాన్ని షురూ చేసిన 'వైకుంఠపురం' బృందం మాత్రం ఇప్పుడు జోరు మీద సాగిపోతుంది.