అసోం వరదలతో నిరాశ్రయులైన వారికోసం ఇటీవల బాలీవుడ్ హీరో అక్షయ్ కుమార్ రూ.2 కోట్లు విరాళం ఇచ్చాడు. ముఖ్యమంత్రి సహాయ నిధికి రూ.కోటి, జాతీయ ఉద్యానం సంరక్షణకు మరో రూ.కోటి ఇస్తున్నట్లు బుధవారం వెల్లడించాడు. ఈ మేరకు ట్విట్టర్‌ వేదికగా ప్రకటించాడు. అందరూ తమ వంతు సాయం చేయాలని ఈ సందర్భంగా కోరాడు. ప్రస్తుతం అతడు మిషన్ మంగళ్ సినిమా ప్రచార కార్యక్రమాల్లో బిజీగా ఉన్నాడు. ఈ సందర్భంగా మీడియాతో మాట్లాడుతూ ఓ సందేశంతో అభ్యర్థించాడు.
" సామాజిక మాధ్యమాల్లో అనవసరమైన మెసేజ్లు పోస్టు చేయడం కన్నా అసోం ప్రజలకు కాస్త సాయం చేయండి. మీకు తోచింది ఏదైనా పర్లేదు వారికి అందించండి. ఫలితంగా బాధితులకు కాస్త ఉపశమనం లభిస్తుంది ".
--అక్షయ్ కుమార్, బాలీవుడ్ హీరో