సాహస యాత్రికుడు బేర్ గ్రిల్స్తో కలిసి అడ్వెంచర్స్ చేశాడు కథానాయకుడు అక్షయ్ కుమార్. ఆ ట్రైలర్ను విడుదల చేసింది డిస్కవరీ ఛానెల్. ఈ సందర్భంగా షూటింగ్ అనుభవాలతో పాటు, గ్రిల్స్ తనను ఏ విధంగా ఆశ్చర్యపరిచాడో ట్విట్టర్ వేదికగా అభిమానులతో పంచుకున్నాడు అక్షయ్.
"ఈ సాహస యాత్రకు వెళ్లే ముందు గట్టి సవాళ్లు ఎదురవుతాయని ఊహించా. బేర్ గ్రిల్స్ ఏనుగు పూప్ టీతో నన్ను పూర్తిగా ఆశ్చర్యపరిచాడు. నిజంగా నా జీవితాంతం గుర్తుండిపోయే క్షణాలను డిస్కవరీ అందించింది. గ్రిల్స్ చాలా ఏళ్లుగా ఈ రంగంలో కొనసాగుతున్నాడు. అతడి శక్తికి, అభిరుచికి నేను ఎప్పుడూ వీరాభిమానినే. అతడితో సాహసాలు చేయడం నిజంగా చాలా మంచి అనుభవం. సినిమా సెట్లలో లాగా బ్యాకప్ లేనందున.. రియాలిటీ చాలా థ్రిల్ ఇచ్చింది"