2008 నవంబరు 26ను ముంబయి వాసులు ఎప్పటికీ మర్చిపోలేరని బాలీవుడ్ అగ్రనటుడు అక్షయ్‌కుమార్‌ అన్నారు. ముంబయి మారణహోమంలో ప్రాణాలు అర్పించిన అమరవీరులకు నివాళులర్పించారు. వాళ్లకు ఎప్పటికీ రుణపడి ఉంటామని ఆయన పేర్కొన్నారు.
దేశ వాణిజ్య రాజధానిలో పన్నెండేళ్ల క్రితం పాక్‌ ఉగ్రవాదులు 10 మంది 12 చోట్ల నరమేధం సృష్టించారు. ఆ మారణహోమంలో దాదాపు 166 మంది ప్రాణాలు కోల్పోయారు. అందులో 18 మంది భద్రతా సిబ్బంది కూడా ఉన్నారు. వందల సంఖ్యలో ప్రజలు క్షతగాత్రులయ్యారు. ఈ దుర్ఘటనపై అక్షయ్‌కుమార్‌ ట్విట్టర్‌ వేదికగా స్పందించారు. అప్పటి చేదు జ్ఞాపకాలను గుర్తు చేసుకున్నారు.