'రాజకీయాల్లోకి వస్తున్నట్టా..? రానట్టా...?'

రాజకీయాల్లోకి వస్తున్నాడంటూ సామజిక మాధ్యమాల్లో తనపై వస్తున్న ఊహాగానాలకు తెరదించాడు అక్షయ్. ఎన్నికల్లో పోటీ చేయట్లేదంటూ ట్వీట్ చేశాడు.

ఎన్నికల్లో పోటీ చేస్తున్నాడంటూ తనపై వస్తున్న వార్తలకు ఫుల్​స్టాప్​ పెట్టాడు బాలీవుడ్ నటుడు అక్షయ్. రాజకీయాలు తనకు తెలియని రంగమని తెలిపాడు. ఈ ఎన్నికల్లో పోటీచేయట్లేదని ట్విట్టర్​లో పోస్ట్ చేశాడు.

"ఇప్పటివరకు నాకు తెలియని రంగంలోకి వెళుతున్నాను. ఎంతో ఆత్రుతగా, ఉత్సుకతతో ఉన్నాను" అని మొదట ట్వీట్ చేశాడు అక్షయ్. సామాజిక మాధ్యమాల వేదికగా అక్షయ్ కుమార్ రాజకీయ అరంగేట్రం చేస్తున్నాడంటూ ఊహాగానాలొచ్చాయి. ఈ అంశంపై స్పందించిన అక్షయ్ వెంటనే మరో ట్వీట్ చేసి స్పష్టతనిచ్చాడు.

"నేను ఇంతకుముందు చేసిన ట్వీట్​పై ఆసక్తి కనబర్చినందుకు అందరికీ కృతజ్ఞతలు. నేను ఎన్నికల్లో పోటీచేయట్లేదు" -అక్షయ్ కుమార్, బాలీవుడ్ నటుడు.

'ప్యాడ్​మ్యాన్', 'టాయ్​లెట్ ఏక్​ ప్రేమ్​ కథ' లాంటి సామాజిక చైతన్యం తీసుకొచ్చే సినిమాల్లో నటించాడు అక్షయ్. కొన్ని ప్రభుత్వ ప్రకటనలకూ ప్రచారం చేశాడు. అందుకే... అక్షయ్ త్వరలోనే రాజకీయాల్లోకి వస్తాడని సామాజిక మాధ్యమాల్లో విస్తృతంగా చర్చించుకుంటున్నారు నెటిజన్లు.

ఇది చదవండి: ట్రైలర్​తోనే మాయ చేస్తున్న సల్మాన్