అక్షయ్ రిస్కీ స్టంట్స్ వీడియో చూశారా..?
బాలీవుడ్ హీరో అక్షయ్ కుమార్ చిత్రాలంటే పవర్‌ఫుల్‌ యాక్షన్‌ హంగామాకు పెట్టింది పేరు. ఆయన సినిమాల్లోని పోరాట ఘట్టాలను డూప్ లేకుండా స్వయంగా చేసేస్తుంటాడు. అక్షయ్ నటిస్తోన్న సూర్యవంశీ చిత్రం నుంచి ఓ వీడియో సామాజిక మాధ్యమాల్లో పంచుకున్నాడు.
అక్షయ్ కుమార్ రిస్క్ స్టంట్స్ చూశారా..?
రోహిత్‌ శెట్టి దర్శకత్వంలో బాలీవుడ్ కిలాడీ అక్షయ్కుమార్ నటిస్తోన్న చిత్రం 'సూర్యవంశీ'. ఈ సినిమాలో బైక్‌ , హెలికాప్టర్ ఉపయోగించి ఛేజింగ్ సీన్స్‌ను చిత్రీకరించారు. వీటిల్లో అక్షయ్ బైక్‌పై నిల్చొని కార్ల మధ్య నుంచి వేగంగా వెళ్లడం, కొద్ది అడుగుల ఎత్తులో ఉన్న హెలికాప్టర్‌ను పట్టుకొని వేళాడటం వంటి సాహసోపేతమైన స్టంట్లను చేశాడు. ఇలాంటి రిస్క్ షాట్లను డూప్ సహాయం లేకుండా చేశాడీ స్టార్ హీరో. చిత్రీకరణలో తీసిన ఓ వీడియోను సామాజిక మాధ్యమాల్లో అభిమానులతో పంచుకున్నాడు. ప్రస్తుతం ఈ వీడియో నెట్టింట విపరీతంగా చక్కర్లు కొడుతోంది.