అక్కినేని అఖిల్ అభిమానులు ఎదురుచూసిన తరుణం రానే వచ్చింది. అఖిల్ హీరోగా నటించిన 'మోస్ట్‌ ఎలిజిబుల్ బ్యాచ్‌లర్‌' ట్రైలర్(Most eligible bachelor trailer) విడుదలైంది. బొమ్మరిల్లు భాస్కర్‌ తెరకెక్కిస్తోన్న చిత్రమిది. పూజా హెగ్డే కథానాయిక. కొవిడ్‌ కారణంగా వాయిదాపడుతూ వస్తున్న ఈ చిత్రం అక్టోబరు 15న విడుదల కాబోతుంది. ఈ నేపథ్యంలో చిత్ర బృందం ట్రైలర్‌ను విడుదల చేసింది. లవ్‌, కామెడీ తదితర అంశాలతో రూపొందిన ఈ ట్రైలర్ ఆద్యంతం ఆసక్తిగా సాగింది. అఖిల్, పూజా హెగ్డే జోడీ(akhil akkineni pooja hegde) ప్రత్యేక ఆకర్షణగా నిలిచింది.
శర్వానంద్, సిద్ధార్థ్‌(sharwanand and siddharth movie) కాంబినేషన్‌లో రూపొందుతోన్న చిత్రం 'మహా సముద్రం'(Mahasamudram movie release date). అను ఇమ్మాన్యుయేల్‌, అదితిరావు హైదరీ కథానాయికలు. అజయ్‌ భూపతి దర్శకత్వం వహిస్తున్నారు. ఈ సినిమా అక్టోబరు 14న ప్రేక్షకుల ముందుకురానుంది. ఈ నేపథ్యంలోనే 'హే తికమక మొదలే' అనే గీతాన్ని చిత్ర బృందం విడుదల చేసింది. కిట్టు విస్సాప్రగడ రచించిన ఈ పాట అన్ని వర్గాల శ్రోతల్ని అలరించేలా ఉంది. చైతన్ భరద్వాజ్‌ స్వరాలు సమకూర్చారు. హరిచరణ్‌, నూతన మోహన్‌ ఆలపించారు. ఈ లిరికల్‌ వీడియోలో శర్వా- అను, సిద్ధు- అదితి జోడీగా కనిపించి అలరిస్తున్నారు. ఈ చిత్రాన్ని ఏకే ఎంటర్‌టైన్‌మెంట్ సంస్థ నిర్మిస్తోంది. ఈ సినిమాకి సంబంధించి ఇప్పటికే విడుదలైన 'హే రంభ' గీతం, ట్రైలర్(mahasamudram trailer) విశేషంగా అలరించాయి.