అక్కినేని అఖిల్, పూజా హెగ్డే(Akhil Pooja Hegde Movie) జంటగా నటించిన చిత్రం 'మోస్ట్ ఎలిజిబుల్ బ్యాచ్లర్' (Most Eligible Bachelor). బొమ్మరిల్లు భాస్కర్ దర్శకత్వం వహించారు. బుధవారం ఈ చిత్రబృందం వ్రాప్ అప్ పార్టీ నిర్వహించింది. ఈ కార్యక్రమానికి హీరో అఖిల్తో పాటు దర్శకుడు, చిత్రంలోని నటీనటులు హాజరయ్యారు. జబర్దస్త్ కమెడియన్లు గెటప్ శ్రీను, సుడిగాలి సుధీర్.. ఈ వేడుకకు హోస్ట్లుగా వ్యవహరించారు. సెట్లో నటీనటులు ఎలా ఉంటారో అనుకరిస్తూ అందరినీ కడుపుబ్బా నవ్వించారు.
కార్యక్రమంలో భాగంగా పూజా హెగ్డే (Pooja Hegde Prabhas) గురించి శ్రీను, సుధీర్(Sudheer Getup Srinu) కొన్ని ఆసక్తికర విషయాలు చెప్పారు. 'మోస్ట్ ఎలిజిబుల్ బ్యాచిలర్'తో పాటు 'రాధేశ్యామ్', 'ఆచార్య' చిత్రీకరణలో తీరిక లేకుండా పాల్గొంటున్న పూజకు చిత్ర బృందం 'బిజీహెగ్డే' అని పేరు పెట్టిందట. ఈ కారణంగానే.. సెట్లో వచ్చాక అఖిల్ను 'హాయ్ ప్రభాస్' అంటూ పలకరించేందని చమత్కరించారు.