దక్షిణాది చిత్రాలపై అక్షయ్ కుమార్ మోజు

హీరో అక్షయ్ కుమార్.. 'బెల్​ బాటమ్' అనే కన్నడ చిత్ర రీమేక్​లో నటించనున్నాడని సమాచారం. త్వరలో అధికారిక ప్రకటన రానుంది.

బాలీవుడ్‌ నటుడు అక్షయ్‌ కుమార్‌... ఏదైనా సినిమా కొత్తగా కనిపిస్తే చాలు ఇట్టే పట్టేస్తాడు. అలా దక్షిణాది చిత్రాలను తనదైన శైలిలో రీమేక్​ చేసి మెప్పిస్తుంటాడు. ఇప్పుడు ఓ కన్నడ సినిమాను హిందీలో తెరకెక్కించనున్నాడని సమాచారం.

అక్షయ్..ప్రస్తుతం 'కాంచన' రీమేక్​ 'లక్ష్మీబాంబ్'​లో నటిస్తున్నాడు. ఇప్పుడు 'బెల్‌ బాటమ్‌' అనే కన్నడ చిత్రాన్ని రీమేక్​ చేసే ఆలోచనలో ఉన్నాడు.

ఈ సినిమాకు రంజిత్‌ తివారి దర్శకత్వం వహించనున్నాడట. ప్రస్తుతం స్క్రిప్టుపై కసరత్తులు చేస్తున్నారు. 'బెల్‌ బాటమ్‌' పేరుతో పాటు మరికొన్ని టైటిల్స్‌ పరిశీలిస్తున్నారని సమాచారం. వీటిపై అధికారిక ప్రకటన రావాల్సి ఉంది.

ఇది చదవండి: స్టార్​ను అనే విషయాన్ని పట్టించుకోను: అక్షయ్​