'ఆర్‌ఎక్స్‌ 100' (RX100) వంటి ఇంటెన్స్ ప్రేమకథా చిత్రంతో తొలి ప్రయత్నంలోనే సూపర్‌హిట్‌ అందుకున్నారు దర్శకుడు అజయ్ భూపతి (Ajay Bhupathi). ఆ సినిమా విజయంతో ఆయనకు యువతలో క్రేజ్‌ పెరిగింది. ఈ క్రమంలోనే ఆయన తీసిన సరికొత్త చిత్రం 'మహాసముద్రం' (MahaSamudram).
ప్రేమ, స్నేహాం, వైరం వంటి సున్నితమైన అంశాలతో సిద్ధమైన ఈ కథ అజయ్ భూపతి కలల ప్రాజెక్ట్‌గా ప్రచారం పొందింది. ఇలా, భారీ అంచనాల మధ్య విడుదలైన ఈ సినిమా బాక్సాఫీస్‌ వద్ద అనుకున్నంత విజయాన్ని అందుకోలేదు. ఈ నేపథ్యంలో తాజాగా ఓ నెటిజన్‌ అజయ్ భూపతిని ట్యాగ్‌ చేస్తూ.. "మహాసముద్రంపై మేము ఎన్నో అంచనాలు పెట్టుకున్నాం అన్నా.. ఎందుకు అలా తీశావు" అని ట్వీట్ చేశాడు. దానిపై స్పందించిన అజయ్ క్షమాపణలు తెలిపారు.