ఐశ్వర్య, ఆరాధ్యలకు నెగటివ్.. ఆస్పత్రి నుంచి డిశ్చార్జ్

కరోనా కారణంగా ముంబయిలోని నానావతి ఆస్పత్రిలో చికిత్స పొందుతున్న ఐశ్వర్యా రాయ్, తన కూతురు ఆరాధ్యలకు నెగటివ్​గా తేలింది. ప్రస్తుతం వీరు ఆస్పత్రి నుంచి డిశ్చార్జ్ అయ్యారు.

బాలీవుడ్ మెగాస్టార్ అమితాబ్ బచ్చన్ కుటుంబం కరోనా బారిన పడింది. కొన్ని రోజులుగా బిగ్​బీ, ఆయన తనయుడు అభిషేక్ బచ్చన్, కోడలు ఐశ్వర్యా రాయ్, మనవరాలు ఆరాధ్య ముంబయిలోని నానావతి ఆస్పత్రిలో చికిత్స పొందుతున్నారు. అయితే తాజాగా ఐశ్వర్య, ఆరాధ్యలకు నెగటివ్ రావడం వల్ల వారు డిశ్చార్జి అయ్యారు. ఈ విషయాన్ని అభిషేక్ ట్విట్టర్ ద్వారా తెలియజేశారు.

"మేము కోలుకోవాలని ఎల్లవేళలా ప్రార్థిస్తోన్న అందరికీ కృతజ్ఞతలు. మీ రుణం తీర్చుకోలేనిది. ఐశ్వర్య, ఆరాధ్యలకు కరోనా పరీక్షల్లో నెగటివ్ వచ్చింది. వారు డిశ్చార్జ్ అయి ఇంటికి వెళ్లారు. నేను, తండ్రి అమితాబ్ డాక్టర్ల పర్యవేక్షణలో చికిత్స కొనసాగిస్తున్నాం".

-అభిషేన్ బచ్చన్, నటుడు

కరోనా పాజిటివ్ రావడం వల్ల అమితాబ్, అభిషేక్ మొదట నానావతి ఆస్పత్రికి వెళ్లారు. ఐశ్వర్య, ఆరాధ్య మాత్రం హోం క్వారంటైన్​లో ఉన్నారు. కానీ కొద్ది రోజుల తర్వాత వీరిద్దరు కూడా హాస్పిటల్​లో జాయిన్ అయ్యారు. వారం రోజులుగా ఐసోలేషన్​లో ఉన్న ఐశ్వర్య, ఆరాధ్య కోలుకుని ఇంటికి చేరుకున్నారు.