ప్రముఖ దర్శకుడు మణిరత్నం ఓ భారీ మల్టీస్టారర్ తెరకెక్కిస్తున్నారనే వార్త గత కొన్ని నెలలుగా చక్కర్లు కొడుతోంది. కానీ ఆ సినిమా గురించి ఎటువంటి అధికారిక ప్రకటన ఇంత వరకు రాలేదు. నీలికళ్ల సుందరి ఐశ్వర్యారాయ్ ఇటీవలే ఈ విషయం పై స్పందించింది.
కేన్స్ ఫిల్మ్ ఫెస్టివల్ లో పాల్గొనడానికి ఫ్రాన్స్ వెళ్లిన ఐశ్వర్యారాయ్.. అక్కడి విలేకరులు అడిగిన ప్రశ్నకు సమాధానంగా మణిరత్నం సినిమాలో నటించబోతున్నట్లు చెప్పింది. వైవిధ్యంగా ఉండే నందిని అనే పాత్రలో కనిపించనున్నట్లు తెలిపింది. షూటింగ్ కోసం ఎదురు చూస్తున్నట్లు పేర్కొంది.