హీరోయిన్ ఓరియంటెడ్ చిత్రాలతో దూసుకెళ్తున్న నయనతార త్వరలో మరో సినిమాతో అలరించనుంది. ఆమె నటించిన తాజా చిత్రం 'ఐరా' తెలుగు ప్రచారచిత్రం బుధవారం విడుదలైంది. హర్రర్ నేపథ్యంలో తెరకెక్కిన ఈ సినిమా మార్చి 28న ప్రేక్షకుల ముందుకు రానుంది.
- నయన్ తొలిసారిగా రెండు పాత్రల్లో నటించింది. "ఇప్పుడున్న ఇంటర్నెట్ తరంలో వివాదాస్పద అంశాలనే ప్రేక్షకులు చూస్తారు" అనే సంభాషణలతో ఉత్కంఠగా ట్రైలర్ రూపొందించారు. తమిళంలో తెరకెక్కిన చిత్రాన్ని తెలుగులోనూ అదే పేరుతో అనువాదం చేశారు.